Vijon të rritet numri i të prekurve nga virusi COVID 19 në Korçë. Rasti i fundit është ai i një 70 vjeçari i cili ka rezultuar pozitiv në testin e kryer një ditë më parë, duke e çuar në 16 numrin e personave të prekur me COVID 19 në këtë qytet.
Burime zyrtare pranë Njësisë vendore të Kujdesit Shëndetsor në Korçë bëjnë me dije se 70 vjeçari i infektuar ka pasur kontakte me dy të moshuarit që rezultuan pozitiv në tre rastet e para në qytetin e Korçës.
Ndërkohë deri më tani numri i të infektuarve nga koronavirusi në vendin tonë ka arritur në 259 persona dhe 15 viktima.
