Kryetari i Forumit Rinor të Partisë Demokratike (FRPD), Belind Këlliçi ka denoncuar shembjen e tavanit në një prej godinave të Qytetit Studenti në Tiranë.
Me anë të një postimi në rrjetin social Facebook, Këlliçi ka denoncuar me video skandalin se si tavani i katit të tretë në konviktin numër 20 në Qytet Studenti dhe ka rrezikuar jetën e 30 studenteve.
“30 vajza që banonin në këtë godinë janë nxjerrë jashtë duke mos patur asnjë mbështetje. Reagimi i autoriteteve që e kanë mendjen për propagandë dhe të mbushin xhepat ka qenë: shkoni në hotel se nuk kemi ç’bëjmë. Studentët e prindërit e tyre paguajnë për konviktet dhe sërish detyrohen të paguajnë për hotel.
Ky është “pakti për universitetin” i Edi Ramës. 30 vjaza që vijnë nga rrethe të ndryshme, të lëna jashtë pa asnjë mbështetje, në mes të natës. Kjo është puna e kësaj qeverie. Ky është standardi i Edi Ramës! Ndërton për shoë, mbush xhepat dhe pastaj gjithçka shkatërrohet. Fatmirësisht s’ka patur njeri në godinë në atë çast dhe nuk ka patur të lënduar. Këtij fakti duhet t’i gëzohemi të gjithë sot”, shkruan Këlliçi.
Për ngjarjen ka reaguar edhe Nora Malaj, përfaqësuese e LSI dhe njëkohësisht ish-zv/ministre e Arsimit.
“Sot shtetit i ka rënë suvaja, nesër shteti është i shembur”, shkruan Malaj.
https://streamable.com/vmrsy
Reagimi i plotë i Nora Malajt
Nuk ka dhimbje më të madhe kur vendi është buzë greminës , ndërsa shtetarët tanë kanë vënë syzet dhe vendin e shohim me rezultate “ magjike” dhe vrapojnë në tv për të treguar rezultatet imagjinare me slloganin “nga fitorja në fitore” .
Borxhet e qeverisë nuk kanë të sosur!
1.Nisma që u trumpetua aq shumë nga qeveria , ishte dhënia e bonuseve për fëmijët e porsalindur. Nuk lanë rast pa dalë nëpër media figurat ministrore , për të treguar sesa sociale është kjo qeveri??!!
Stoku i detyrimeve deri në Qershor 2019 është në vlerën 713.5 milion lekë. Detyrimet e reja të krijuara në periudhën Prill-Qershor 2019 janë në vlerën 90.8 milion lekë, ndërkohë që stoku i mbartur është 622.7 milion lekë.
I gjithë borxhi sot është rreth 2.3 milonë euro për të porsalindurit dhe prindërit e tyre, që ende nuk kanë marrë bonusin nga kjo qeveri. Kjo është ironia e fatit! Qeveria punon me slloganin : Prento dhe mos realizo!
2.Rasti tjetër skandaloz , në media eshte deklaruar se në fund të vitit 2018 borxhet e papaguara të sigurimeve shoqërore arriten në 14 miliardë lekë ose 110 milionë euro.Rreth 1100 institucione që nuk iu paguajnë punonjësve të administratës sigurimet shoqërore, duke e kthyer situatën në një vjedhje të pastër , e duke treguar se ekonomia e vendit është në gjendje alarmi ! Një ditë, shumë shpejt, do të përballemi me pamundësinë e pagesave të pensioneve dhe pagave të qytetarëve , që ndryshe quhet krizë ekonomike , si rezultat i qeverisjes së paaftë dhe arrogante, me slloganin : Vidh çdo gjë që të del përpara!
3.Rasti i tretë, një Adoleshenti i dha fund jetës !Ngjarja tragjike ka ndodhur në fshatin Verri të Fierit. 15-vjeçari mësohet se ka varur veten brenda në kasolle. Arsyeja , varfëria . Familja e papunë dhe babai merrte asistencë sociale. Mes dilemës së emigrimit për të siguruar një jetë më të mirë dhe pamundësisë për të ikur, i riu adoleshent, zgjodhi rrugën më të dhimbshme, vetflijimin, duke na bërë të gjithëve fajtor e duke akuzuar shtetin , që nuk mjaftohet me faktin se të rinjtë po ikin masivisht nga vendi i tyre , po tashmë varfëria dhe pamundësia për një jetë me dinjitet , po i vret dhe shpresat dhe ëndrrat e të rinjve! ?Kjo është dhimbja më e madhe që po kalon vendi ynë , duke braktisur vendin !
4.Rasti i katërt, pas lajmit se mëngjesin e sotëm në një godinë në Qytetin Studenti kishte rënë suvaja e tavanit , vetëm katër muaj pas rikonstruksionit, një tjetër ngjarje e ngjashme ka ndodhur në orët e mbrëmjes.
Studentet nga frika janë larguar nga godina.Dhe pas rënies së suvasë së godinës, pas zhvatjes së studentëve dhe largimit masivisht të të rinjve shqiptarë, pas rritjes s numrit të qytetarëve që blejmë me lista e varfërisë ekonomike dhe shpirtërore që ka kapluar Shqipërinë,tashmë shtetit i ka rënë suvaja , i ka ikur makiazhi , i janë tronditur themelet , po i bie çatia , po vetëm “timonieri ynë “ pa patentë, nuk e sheh që vendin po e çoj i sigurtë drejt humnerës !
Kjo është rruga që të çon një “i cmendur , që të gjithë tashmë po i çmend”!! Këtë do ta thoshte me gojën plotë edhe i madhi Dritero , po të ishte mes të gjallëve , ndonëse e la me të shkruar thënien e tij lapidare, “ një i çmendur të gjithë i çmend” , për situatën dhe grupin qeverises “Çmenduria ” që po na drejton !!!
