Nga Ahmet Zani
Si pasojë e rreshjeve të dendura në Kurbin janë evakuar rreth 20 familje. Mbrëmjen e djeshme është regjistruar një viktimë. Prurjet e mëdha të përrenjve të Laçit e kanë përfshirë 48 vjeçarin, i cili ka humbur jetën. Rreshjet kanë dëmtuar disa biznese, ndërsa katet e para të disa banesave janë përmbytur prej përroit që kalon mes për mes qytetit.
Kryetari i bashkisë Kurbinit Artur Bardhi u ka bërë thirrje strukturave drejtuese vendore të Qarkut Lezhë dhe qeverisë, për t’i ardhur në ndihmë Kurbit prej situatës së rëndë të krijuar prej motit të keq.
Pasditen e së hënës rreshjet e dendura të shiut kanë sjellë prurje të mëdha duke përmbytur qytetin e Laçit dhe disa fshatra përreth. Është ngritur shabi i emergjencave për të ndjekur situatën e prurjeve nga përrenjtë, të cilët kanë shkaktuasr përmbytje.
Ministri i Bujqësisë dhe Ushqimit, Edmond Panariti ka inspektuar zonat e përmbytura, ndërsa ka premtuar ndërhyrje të menjëhershme me mjete për pastrimin a kanaleve problematike.
