Një 53 vjeçar ka rënë në pranga pasi akuzohet se ka dhunuar dy vajzat dhe gruan e tij.
Ngjarja ka ndodhur në qytetin e Kremonës në Itali, ku tri femrat pas kërcënimeve dhe dhunës së përsëritur vendosën të denoncojnë burrin dhe babanë e tyre.
Pas denoncimit policia italiane mbërriti menjëherë në vendgjarje. Të trija u shpëtuan dhe u dërguan në spital për t’u mjekuar, por fatmirësisht dëmet ishin sipërfaqësore dhe gërvishtjet do të kalojnë pas disa ditësh.
Grindja kishte filluar për shkak të xhelozisë, ai e akuzonte gruan për tradhti, pastaj e kishte goditur dhe përplasur, ndaj vajzat ishin hedhur për të mbrojtur mamanë.
Por, pasi i kishte rrahur edhe vajza e tij, pak më shumë se 20 vjeçe, i ati kishte marrë një thikë buke të paktën 15 cm dhe ia kishte vënë gruas në fyt duke e kërcënuar me vdekje.
