Ronaldo fenomeni, kuptohet që nuk mund të kthehet më në fushë për të tërhequr Interin me magjitë e tij, si ka bërë në sezonin 1997 dhe 2002, por sidoqoftë ia vlen që të dëgjohet: “Vazhdoj të kem një afeksion të madh për këtë skuadër, por për momentin nuk e di se si mund ta ndihmojë të kthehet e madhe si dikur. Por ndjej që është vetën çështje kohe kthimi i Simeones, megjithëse Mançini është ende aty”, ka thënë braziliani 39-vjeçar për “Premium Sport”. “Nga janari në shkurt – vazhdon komentin e tij Ronaldo – skuadra bëri rezultate skandaloze që kompromentuan të gjithë sezonin. Për të fituar duhet të jesh i përqëndruar gjatë të gjithë vitit”. Pra për Ronaldon, një karakteristikë të tillë, për të imponuar vazhdimësi në një skuadër e ka pikërisht trajneri i Atletiko Madrid. Dhe në fund diçka edhe për masimo Moratin. “Të gjithë interistët e dinë, se Morati ka qenë gjithmonë simboli më sinjifikativ i kësaj skuadre”. Në shkurt, Ronaldo është kthyer në “San Siro” për të ndjekur ndeshjen Inter – Sampdoria, por tifozët i rezervuan fërshëllima, pasi ende nuk ia kanë harruar kalimin tek rivalët e Milanit.
