Reali i Madridit ka fituar ngushtë 2-1 kundër Gijonit në “Santiago Bernabeu”. Edhe pse në letër dukej një sfidë e lehtë, miqtë i kanë hapur mjaft punë skuadrës së Zinedine Zidan.
Takimi nis me marshin e pestë për madrilenët të cilët gjejnë shpejt golin e avantazhit. Ronaldo në minutën e 5-të do të zhbllokonte shifrat me anë të një 11-metërshi që u finalizua pastër nga portugezi. Ende pa u sistemuar në fushë, Gijon do të pësonte golin e dytë. Sërish Ronaldo, por kësaj here pas një krosi finalizon me kokë.
Duket se goli i dytë zgjoi Gijon, i cili në të 35-ën do të ngushtonte rezultatin duke e çuar atë në 2-1. Pjesa e parë mbyllet me këtë rezultat, ndërsa në të dytën Gijon do të humbiste një 11-metërsh. Nën drithërima sfida mbyllet në favor të madrilenëve.
Me këtë fitore Reali Reali renditet në vendin e parë me 33 pikë duke lënë pas Barcelonën që ka grumbulluar 26-të, por me një ndeshje më pak.
