Juventus dhe Cristiano Ronaldo kanë të njëjtin qëllim: Të fitojnë Champions League. Ylli portugez duket se i ka idetë e qarta për atë që do brenda fushës së lojës.
“Dua të fitoj Champions League me Juventusin. Do të fokusohemi në një gjë të tillë së bashku me shokët e skuadrës por nuk duhet ta kemi obsesion. Duhet të ecim hap pas hapi. Objektivi i Juventusit është që të fitojë kampionatin dhe Kupën e Italisë dhe padyshim të japim më të mirën në Champions”, tha Ronaldo.
Portugezi ka folur më pas edhe për të birin, Ronaldo Junior, duke thënë se është i bindur që edhe ai do të ketë një të ardhme të ndritur në futboll.
“Ai është si unë, nuk i pëlqen aspak të humbasë dhe ka shumë shpirt gare. Jam i sigurt se do të bëhet një futbollist i madh, si unë”, deklaroi CR7.
