Monitoron, mbikëqyr dhe patrullon rajonet pyjore
Një task forcë në nivel zëvendës ministrash është do të kujdeset për mbrojtjen e pyjeve. Struktura e posacme është konceptuar si një institucion edhe me shtrirje në rajone, dhe me përqëndrim në drejtoritë e policive. Pas miratimit të moratoriumit 10 vjeçar për mbrojtjen e pyjeve, qeveria ka vendosur të krijojë edhe Taskë-Forcën e quajtur “Roja e Gjelbër”. Grupi drejtues i Task-Forcës “Roja e Gjelbër” kryesohet nga zëvendësministri i Mjedisit dhe ka në përbërje:
– zëvendësministrin e Mbrojtjes;
– zëvendësministrin e Punëve të Brendshme;
– zëvendësministrin e Financave;
– prefektët e qarqeve.
Kjo Roje përbëhet nga përfaqësues të Shtabit të Përgjithshëm të Forcave të Armatosura, të Drejtorisë së Policisë së Shtetit, të Inspektoratit Shtetëror të Mjedisit dhe Pyjeve, në Ministrinë e Mjedisit, dhe të Drejtorisë së Përgjithshme të Tatimeve.
Kjo strukturë do të veprojë në nivel rajonal pranë drejtorive vendore të Policisë së Shtetit, ndërsa do të kryesohet nga nëndrejtori i policisë.
Struktura operacione ka në funksion të përmbushjes së saj tre detyra kryesore, ajo e monitorimit, mbikëqyrjes dhe patrullimin e rajoneve pyjore të vendit, dhe vëzhgimin e bizneseve që kryejnë tregti drusore, parandalimin dhe ndalimin e çdo personi që shkel ligjit e moratoriumit, si dhe organizimin e pikave të kontrollit në nyjet kryesore ku transportohen lëndë drusore.
Nga viti 2004 deri në 2015-ën raportohen prerje ilegale me mbi 2,500,000 m3 në vit, dukë krijuar një katastrofë të vërtetë mjedisore. Sipas të dhënave zyrtare janë prere dhe djegur qëllimisht rreth 17% e fondit pyjor. Ndërsa sipërfaqja e pyllëzuar në total nga 1990 deri në 2013-ën është në nivele të papërfillshme prej 2,678 ha pyllëzim. Pra, vetem 116 ha/vit. Ndikimi në mjedis është pothuajse inekzistent.
Të dhënat gjithashtu tregojnë se gjatë periudhës 2005 – 2015 është shfrytëzuar një volum i përgjithshëm i pyjeve në masën 1.3 milionë m3 dhe deri vitin e kaluar dhënë rreth 2,700 leje për shfrytëzim.
