Sekretari i përgjithshëm i Partisë Demokratike ka akuzuar kryeministrin Rama se kërkon të justifikohet para ambasadorëve që e konsiderojnë drogën kërcënim për sigurinë në Shqipëri.
Deputeti i PD-së ka komentuar edhe takimin e sotëm të kryeministrit me ambasadorët, të cilët Rama duhet t’i sqaronte për një sërë pyetjesh.
Ristani: “Pasi e ka mohuar për një vit me radhë, tani kërkon të justifikohet para ambasadorëve dhe vendeve të BE, të cilët e konsiderojnë drogën e Shqipërisë një kërcënim për sigurinë.
- Pse në një vit Shqipëria u mbulua me drogë?
- Si u ndërtuan 20 pista avionesh për transport droge?
- Pse dekonspirohen aksionet e prokurorisë dhe nuk arrestohen trafikantët?
- Pse nuk arrestohet Klement Balilaj i quajtur koka e trafikut të drogës në Ballkan?
- Sa është sasia ë drogës së prodhuar në terësi kur vetëm nga 02% e sipërfaqes së pashkatërruar, sipas Ramës, janë kapur gati 200 ton.
- A u tregove ambasadorëve sa para ke përfituar nga droga dhe sa ke planifikuar për blerje votash. Dhe dy pyetje për shoën me leterpërgjigjen e Avramopulosit
- Pse i çove letër Averamopulisit për ti kërkuar ndihmë, pasi droga u korr e u trafikua nga bashkpunëtorët e tu?
- Pse nuk kërkove ndihmë në sezonin e mbjelljes së drogës dhe deri sa u korr? Po të kishe me vete dhe Roshin e Bushin do ishe me bindës për punët e drogës se ti njihesh si përdorues dhe përfitues, jo kultivues.
Tashmë është tepër vonë për show-n propagandistik me drogën. Koha e Edi Ramës ka mbaruar bashkë me sezonin e hashashit”.
