Mijëra të rinj nga të gjitha universitetet publike të vendit do të protesojnë sot përpara Ministrisë së Arsimit.
Sikurse është njoftuar protesta kombëtare e studentëve e cila rikthehet pas një pauze disa mujore, do të nisë në orën 12:00.
Studëntët do të mblidhen para ministrisë për të protestuar kundër qeverisë Rama dhe kushteve të paplotësuara për studentët.
Slogani i tyre është “Së bashku për Shqipërinë si gjithë Europa, së bashku për ndryshimin”.
Në të gjitha universitetet dje janë zhvilluar takime të studentëve. Në takimin e të rinjve të universitetit “Fan Noli” në Korçë u vendos si më poshtë:
Sot me datë 20/05/2019 u mblodhën përfaqësuesit e studentëve të Universiteteve të Shqipërisë në Universitetin “Fan S.Noli” Korçë. Në fund të mbledhjes u konstatua se pakti për universitetin nuk është përmbushur siç u premtua.
Në konstatuam dhe kërkojmë pikat si vijojnë më poshtë:
- Portali i transparencës të bëhet funksional
- Pesha e votës të studentëve për zgjedhjet e dekanëve dhe rektorëve të rritet në 25 %
- Zgjedhjet e universiteteve dhe studentët kërkojnë që organet kompetente të njohin vullnetin e studentëve, pra të njohin si përfaqësues në Bordin e Administrimit kandidatin e votuar
- Karta e studentit të jetë e unifikuar dhe të ketë vlefshmëri në rang republike, për të gjithë studentët njësoj
- Stazhet të paguhen të plota
- Rankimi i programeve të studimit
- Përmirësimi i kurrikulave mësimore
- Sondazhi Kombëtar i Studentëve dështoi
- Afrimi i provimit të licencës (1 muaj mbas stazhit)
