Kryeministri grek, Kyriakos Mitsotakis ka deklaruar se duke nisur nga 15 qershori, Greqia pret turistë nga jashtë. Autoritetet vendosën që të hënën që të hiqnin ndalimin për të udhëtuar në ishuj, për t’i dhënë vrull turizmit.
Mitsotakis tha se shumica e fluturimeve për në Greqi do të rifillojnë deri në 1 korrik, kur hotelet sezonale do të rihapen dhe karantina dy-javore për të huajt nuk do të jetë më në fuqi.
Por turistët nga vendet me nivele të larta infeksioni nuk do të lejohen fillimisht të vizitojnë. Greqia ka konfirmuar 2.878 raste, ndërsa janë regjistruar 171 vdekje.
