Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Riçard Gir, Reali “merkato” në Hollivud

Nga 27-shi 0

Aktori në Milano me avionin e 10 herë fituesve të Champions, Simeone bën filozofin: “Kasemiro më i rëndësishëm se Ronaldo dhe Bejl”

Ajo që pret Reali i Madridit në aktin e fundit të Champions është një finale hollivudiane. Pikërisht nga ato që të bëjnë të të dalin lot, por ama nga gëzimi. Dhe në fakt, futbollistët e Realit e kanë pasur një pjesë Hollivudi me vete në udhëtimin drejt Milanos. Në avionin e tyre ka qenë edhe aktori Riçard Gir, diçka që mund t’i ndodhë çdo ditë as futbollistëve të famshëm madrilenë. Kështu, menjëherë një foto e postuar në “Instagram” nga Garet Bejl, ku duken shumë të qeshur edhe Modriç, Keilor Navas, Kovaçiç dhe Lukas.

9

Ndërkohë që tek krahu tjetër madrilen i finales, ai i Atletikos, janë si gjithmonë më pa bujë, por të aftë gjithsesi, për t’ia kthyer Realit mbrëmjen e nesërme një film “horror”. Diego Simeone e quan inteligjencë, atë që të tjerët e cilësojnë anti-futboll. “Ronaldo (Fenomeni) thotë që nuk i pëlqejmë? Futbolli është si politika dhe besimi, të gjithë e kanë të drejtën e një opinion për të shprehur. Unë i respektoj, por nuk i marr parasysh”, kjo është filozofia e atij që ka bërë histori nën drejtimin e skuadrës së dytë të Madridit. Madje ka edhe argumenta teknikë, aq sa për të përmbysur të gjithë logjikën e botës së futbollit. Për Simeonen, Kasemiro është futbollisti më i rëndësishëm i Realit. “Për ekuilibrat në skuadër është sigurisht më i rëndësishëm se Bejl dhe Ronaldo. Me Kasemiron mund të luhet në kundërsulm, ashtu siç bënë me Mançester Sitin, si në ndeshjen e vajtjes, ashtu edhe në shtëpi. Zidan e ka ricikluar si futbollist, duke treguar që është një trajner i vërtetë”. Kaq është pak a shumë kundërshtari sipas Simeones… Kasemiro, Riçard Gir i Realit të tanishëm.

 

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej