Në Gjykatën e Apelit Tiranë ka nisur seanca ndaj Rexhep Rrajës, djalit të deputetit socialist Rrahman Rraja.
Përmes avokatit të tij, djali i deputetit ka paraqitur kërkesën në Apel për lirimin e tij nga paraburgimi. Vetë Rexhep Rraja ka zgjedhur të mos jetë i pranishëm në seancë dhe ka njoftuar përmes një deklarate mospjesmarrjen.
“Për arsye personale nuk dëshiroj të marr pjesë në seancë”.
Argumentat e avokatit, Ilir Murati, janë ato që nuk ka vepër penale për përndjekje apo dhunë ndaj Xhisiela Malokut, siç pretendon Prokuroria. Avokati do të përdorë si argument edhe deklaratat e fundit të vajzës.
Mësohet se qëndrimi i organit të akuzës nuk ka ndryshuar, vazhdon të kërkojë masën “arrest me burg” ndaj Rexhep Rrajës.
Gjyqtarja, Shpresa Becaj, do të shqyrtojë kërkesën e Rrajës për liri dorëzuar që më 8 tetor, ndërsa hetimet për këtë dosjen janë ende të hapura nga prokurorja Mirela Kapo.
Rexhep Rraja u arrestua me 30 shtator 2018. Ai akuzohet për përndjekjen e ish-të dashurës së tij Xhisiela Maloku.
Por kjo e fundit nga ana tjetër ka deklaruar se me Rexhepin ka pasur vetëm marrëdhënie xhelozie dhe se ai nuk e ka keqtrajtuar.
http://www.oranews.tv/article/dy-jave-pas-arrestimit-rexhep-rraja-kerkon-lirine-ne-apel
