Gazeta prestigjoze Reuters ka raportuar ditën e sotme se Bashkimi Evropian do të fillojë negociatat e anëtarësimit me Shqipërinë dhe Maqedoninë e Veriut, sipas një projektvendimi unanim të 27 vendeve anëtare të bllokut.
Sipas Reuters projektvendimi pritet të marrë versionin e tij final deri në fund të javës.
“Dy vendet kishin shpresa për hapjen e negociatave me BE, për të cilat herën e fundit kishte vënë veton kundër Franca dhe Holanda. Por Parisi dhe Haga kanë lehtësuar kundërshtimet e tyre javët e fundit. Greqia nuk është shprehur ende, pasi vendimi kërkon unanimitet, por burime diplomatike thanë se Athina ka dhënë miratimin e saj pasi drafti i fundit përfshinte një gjuhë më të fortë për mbrojtjen e pakicave kombëtare në Shqipëri. Nëse asnjë vend nuk kundërshton, vendimi pritet të miratohet zyrtarisht në mes të javës”, mshkruan Reuters.
