Kryeministri në ikje i Kosovës, Ramush Haradinaj ka marrë vendimin që Dita e Flamurit (28 nëntor) të jetë pushim edhe në Kosovë.
Me anë të një postimi në rrjetet sociale, Haradinaj shprehet se ky vendim është marrë për t’i respektuar vlerat e traditës kombëtare shqiptare.
“Me rastin e Ditës së Flamurit, mbështetur në Ligjin për Festat Zyrtare, kam marrë vendim që 28 Nëntori, të shpallet ditë pushimi në territorin e Republikës së Kosovës, për t’i respektuar vlerat e traditës kombëtare shqiptare. Vendimi, që 28 Nëntori të jetë ditë pushimi, është i motivuar nga aspekti historik, tradicional dhe politik”, shkruan Haradinaj.
