Reshjet e dendura të dëborës, janë bërë shkak për mbylljen e disa rrugëve, sikurse është dhe rruga e Arbrit.
Ka qenë deputetja e Partisë Demokratike Dhurata Çupi, ajo e cila ka denoncuar bllokimin e rrugës së Arbrit nga reshjet e borës. Me një postim në Facebook, Cupi shkruan se rruga u hap për propaganda ende pa mbaruar.
Ajo shprehet se në 6 mars dibranët kanë mundësinë e madhe ta ndëshkojnë me votë këtë qeveri të keqe që i vjedh, i izolon dhe i varfëron pasi dibranëve u duhet një bashki për vete, jo për qeverinë.
“Rruga e Arbrit”, e inauguruar me pompozitet nga kryeministri 2 muaj më parë, ka dalë sot jashtë funksionit nga bora. E kam denoncuar edhe më herët, që rruga u hap për propagandë. Në të vërtetë ajo është e pa mbaruar, prandaj sot shikohet si rrezik për qytetarët dhe bllokohet kalimi me polici si në shtetrrethim. Mashtrimi i shqiptarëve dhe i dibranëve zgjati më pak se 2 muaj. Kur rrugët jepen pa garë tek klientët e Edi Ramës, kur kontratat dhe afatet nuk respektohen, korrupsioni është para syve tanë!
