Ministria e Shëndetësisë ka njoftuar se që prej dje është regjistruar një rast i vdekjes dhe janë konfirmuar 25 raste të reja me COVID-19, raporton Express.
Konfirmimi i këtyre rasteve ka ardhur pas testimit të mbi 2 mijë e 370 mostrave.
Aktualisht, janë rreth 1 mijë e 300 raste aktive në gjithë vendin.
“ Nga 2.370 testime, 25 qytetarë kanë rezultuar pozitiv me virusin COVID-19. Gjatë 24 orëve të fundit, janë shënuar 1 raste të vdekjes. Sot janë shëruar 362 qytetarë, derisa numri i përgjithshëm i të shëruarve është 156.033. Në total numri i rasteve aktive është 1.335. ”, ka njoftuar MInistria e Shëndetësisë.
