Historia e popullit hebre ka njohur shumë vuajtje në historinë e tyre, por një nga dramat më të mëdha është largimi i tyre nga vendet arabe, ku jetonin qe prej 2 mije vitesh. “Refugjatët hebrenj nga vendet arabe”, titullohet ekspozita që do të hapet më 18 maj në Tiranë me mbështetjen e Ambasadës Izraelite në Tiranë. Ekspozita do të jetë e hapur për publikun në Muzeun Historik Kombetar, ndërsa 27.al ka siguruar disa foto të saj që sjellin prova se hebrenjtë banonin në ato vende para se të detyroheshin të largoheshin.
Fotoja kryesore tregon një familje hebreje nga Jemeni duke ecur nëpër shkretëtirë për në një kamp refugjatësh të ndërtuar nga amerikanët pranë Aden.
Besohet se më shumë se 850 mijë hebrenj janë dëbuar nga këto vende pas Luftës së Dytë Botërore, kryesisht pas krijimit të shtetit të ri Izraelit në 1948-ën.
Vendet arabe, të cilat kurrë nuk e pranuan deklaratën e OKB-së për krijimin e një shteti hebre, detyruan hebrenjtë që jetonin në territoret e tyre të largohen nga shtëpitë e tyre, duke lënë pas pasuritë e tyre. Në disa raste dëbimet u shoqëruan me masakrat dhe dhunë ndaj hebrenjve.
“Toka e Izraelit ishte vendlindja e Popullit Hebre më shumë se tre mijë vjet më parë. Që nga kohët e lashta, qendra të qytetërimit hebraik janë themeluar në shumë pjesë të rajoneve fqinje. Komunitetet hebreje të rëndësishme kanë ekzistuar në të gjithë Lindjen e Mesme, Afrikën e Veriut, Babiloni, Levant, Gadishulli Arabik, Jemen dhe Gjirin Persik për më shumë se 2000 vjet, shekuj përpara ardhjes së Islamit dhe pushtimit arab”, shkruhet poshtë dy prej fotove që tregojnë një grua hebreje në tokën islamike dhe një doktor hebre me veshje që i përkasin shekullit të 17-të./27.al
