“Pastaj të shohim se për sa presje do nxjerrë bishta njeriu që po fiton padrejtësisht kredon si i pervëluar për reformën në drejtesi! Me këtë rast shpëtojme nga “murosja” edhe dy krerët e Partive dhe shpëtojmë edhe ne nga një legjende e re Rozafe brenda mureve të Pallatit të Kongreseve…”
Deputetja demokrate Majlinda Bregu, i sygjeron lidershipit të partisë së saj, të dalë shpejt me një propozim konkret dhe të pranueshëm për SHBA-të, duke e sfiduar kështu kryeministrin Rama, i cili sipas Bregut nuk është pro kësaj reforme. Përmes një mesazhi në facebook, Bregu thotë se Rama po tallet me shqiptarët duke shfrytëzuar paqartësinë e opozitës. Ajo thekson gjtihashtu se opozita s’mund të vazhdojë të kërkojë konsensusin e Edi Ramës ndërkohë që SHBA përmes ambasadorit Lu thotë: propozimi është i papranueshëm. Në këtë mënyrë, Bregu sygjeron koordinim me qëndrimin e SHBA-së për reformën në drejtësi, në këtë mënyrë, shqiptarët e ndërkombëtarët do të shohin Ramën e vërtetë për reformën në drejtësi.
Deklarata
Unë mendoj se Kryeministri po tallet me shqiptaret! Propozimi i tij i “ri” dje është një provokim ekstrem ndaj opozites dhe qëndrimi ynë s’mund të jetë kaq pasiv. Ne s’mund të vazhdojmë të kërkojmë konsensusin e Edi Ramës ndërkohë që SHBA përmes ambasadorit Lu na thote: propozimi është i papranueshëm. Ne s’mund të lejojmë që kjo tallje e re e Kryeministrit të vazhdoje si avaz i ri i këngës së vjetër, ndërkohë që edhe më i durueshmi nga të gjithë ambasadori amerikan u shpreh i lodhur me të gjithë dhe refuzues ndaj talljes së Edi Ramës!
Në këto kushte, ne duhet ta sfidojme Kryeministrin me një propozim konkret dhe të pranueshëm nga SHBA. Pastaj të shohim se për sa presje do nxjerrë bishta njeriu që po fiton padrejtësisht kredon si i pervëluar për reformën në drejtesi! Me këtë rast shpëtojme nga “murosja” edhe dy krerët e Partive dhe shpëtojmë edhe ne nga një legjende e re Rozafe brenda mureve të Pallatit të Kongreseve…”, shkruan Bregu.
