Jens Renke: Ka rreziqe për ecurinë e ekonomisë, të cilat vijnë nga ambienti ndërkombëtar, nga rënia e çmimeve në bursa, por edhe nga rritmi i reformave
Përfaqësuesi i FMN në Shqipëri, Jens Reinke, ka zbutur sot tonet kritike ndaj qeverisë. Në një intervistë për Ora News Reinke tha se vlerëson performancën e ekonomisë nën asistencën e FMN por theksoi se duhet përmirësuar klima e biznesit.
“Takimi i parë i biznesit me qeverinë është administrimi tatimor. Nëse procedurat perceptohen të drejta shihet me besim administrimi. Shqipëria duhet të zgjedhë rrugën drejt BE. Reforma në Drejtësi do të ketë impakt më të gjerë se vetëm në ekonomi. Ka investitorë që hezitojnë për shkak të moszbatimit të ligjit. Nëse reforma nuk miratohet do ketë efekt negativ te klima e biznesit”, u shpreh Reinke.
Përfaqësuesi i FMN-së tha gjithashtu se ekzistojnë edhe rreziqe në ekonomi të cilat vijnë nga faktorë të ndryshëm, duke përfshirë edhe rritmin e reformave. “Ka rreziqe për ecurinë e ekonomisë, të cilat vijnë nga ambienti ndërkombëtar, nga rënia e çmimeve në bursa, por edhe nga rritmi i reformave. Qeveria duhet të zbatojë brenda afateve të parashikuara reformat”, tha përfaqësuesi i FMN-së.
Por një ditë më parë, Renike ishte i prerë dhe i qartë në kritikat ndaj qverisë Rama. “Biznesi në Shqipëri nuk ka besim tek administrata tatimore…administrata tatimore duhet të përmirësojë punën përsa i përket llogaridhënies dhe luftës kundër korrupsionit. Ka ndryshime të shpeshta të rregullave”, tha dje Reinke në takimin e zhvilluar dje me përfaqësues të qeverisë, biznesit e institucioneve ndërkombëatre.
Në këtë konstatim, Jens Reinke, u përball me reagimin e ashpër të kryeministrit i cili iu drejtua kështu: “Mos ma tund kokën Jens, thuaj ndonjë fjalë të mirë se është kështu siç po them unë!”.
Me sa duket përfaqësuesi i FMN-së nuk i paska patur të sakta të dhënat e djeshme dhe sot ka reflektuar pikësëpari duke mbajtur kokën drejt, pa e tundur e duke gjetur faktor negative të problemeve të ekonomisë, jashtë qeverisë Rama.
