I pranishëm në një intervistë për Euronews Albania, për gazetaren Ilva Tare, Presidenti Ilir Meta i është rikthyer idesë disa muajve më parë për t’i bërë thirrje shqiptarëve të dalin në një “revolucion masiv” në “mbrojtje të Kushtetutës”.
Meta kishte planifikuar ta bënte një gjë të tillë përpara muajit nëntor, kur marrëdhëniet mes tij dhe maxhorancës ishin në kulmin më të keq. Por e la në harresë këtë ide, pas tërmetit të 26 nëntorit.
“Presidenti i Republikës është në detyrë deri në 24 korrik 2022, në kala dhe një kështjellë e pamposhtur në mbrojtje të Kushtetutës. Le të kërkojnë çfarëdo intepretim dhe nga kushdo. Kjo histori ka marrë fund. Do i bëj thirrje të gjithë shqiptarëve të dalin në mbrojtje të Kushtetutës dhe këtë e kam bërë të qartë.
Perplasja ime do jetë ballore me këdo që prek Kushtetutën. Për këtë të jenë të sigurtë të gjithë, si në mazhorancë edhe në minorancë”, u shpreh presidenti Meta.
Zbulohet projekti fitues i Shkëlqim Beshirit për Pallatin e Kongreseve, kullë deri në 255 metra të lartë –
Pallati i Kongreseve do të transformohet sipas projektit fitues të konkursit ndërkombëtar, i cili parashikon edhe ndërtimin e një kulle...
