Pas publikimit të raportit të OSBE/ODHIR se në zgjedhjet e 30 qershorit pati ndikime partiake tek votuesit, ka reaguar nënkryetari i LSI-së Petrit Vasili.
Përmes një postimi në Facebook, Vasili theksoi se raporti i OSBE/ODHIR tregoi se 30 qershori ra, ndërsa i bëri thirrje shqiptarëve që të shpëtojnë vendin.
Reagimi i Vasilit
OSBE foli, 30 qershori ra, tani përpara të shpëtojmë vendin!!
Shqipëria nuk ka më asnjë minutë kohë për të humbur me këtë tufë banditësh që kanë rrëmbyer qeverisjen e vendit.
Raporti i OSBE -ODIHR i vuri vulën e zezë votimeve moniste kriminale të 30 qershorit.
është misioni i çdo qytetari dhe opozitës që të jenë në këmbë ditë e natë për të shpëtuar vendin.
Maskarenjtë që kërcenojnë qytetarët me vendin e punës dhe deri edhe heqjen e ndihmës sociale janë një turp që duhet shkulur me rrënje.
Nuk mundet me qe të lihet Shqipëria në duart e një sharlatani politik si Edi Rama i cili shkatërroi imazhin dhe rrënoi ekonominë e vendit.
Gjithë bota tashmë e di që Shqipëria është zaptuar nga një klikë horrash të cilët e kthyen vendin më mbrapa se sa edhe monizmi i para viteve 90′.
Antishteti i instaluar nga Edi Rama nuk pyet as për kushtetutë, ligj, kode e rregulla por thjesht pyet për atë që ju duhet dhe u intereson kriminelëve banditëve trafikantëve të të gjitha llojeve e sojeve.
Çdo veprim për të mbrojtur vendin nga pushtuesit në qeveri është detyrim dhe legjitim.
Asgjësimi i zgjedhjeve nga Edi Rama është krimi më i rëndë ndaj të sotmes dhe të ardhmes së shumë brezave ndaj detyra e mbrojtjes se zgjedhjeve të lira ecte ndershme është e shenjtë.
OSBE foli tani është radha jonë….
