Kuvendi ka miratuar me 76 vota pro raportin përfundimtar të Partisë Socialiste për inceneratorët, i dalë nga Komisioni Hetimor parlamentar, duke rrëzuar kështu opozitën. Raporti i Partisë Socialiste për inceneratorët u miratua me 76 vota pro dhe 34 kundër.
Ndërkohë raporti i PD-së të Komisionit Hetimor për Inceneratorët mori 27 vota pro, 84 vota kundër dhe 0 abstenim. Më 28 tetor, mazhoranca dhe opozita ranë dakord për të ngritur komisionin hetimor për hetimin e inceneratorëve.
Ky komision, përmes marrjes në pyetje të dëshmitarëve pati si qëllim kontrollimin e zbatimit të ligjeve për procedurat e ndërtimit të tyre, pasojat ekonomike në buxhet dhe efektet anësore në konkurrencën e lirë.
