Kryeministri Rama së bashku me Ministrin e Brendshëm Tahirin dhe me disa zyrtarë të tjerë të policisë vizituan ktë pasdite panairin e hapur të policisë në bulevardin “Dëshmorët e Kombit”
Rama u shpreh se kjo është mundësi e mirë për qytetarët për tu njohur me uniformat blu, dhe së shpejti do bëhet prezantimi i uniformave të reja të policisë së shtetit.
Rama: “Së shpejti po këtu do bëjmë një prezantim madhështor të gjithë uniformave të reja që do ta përfshijnë dhe policinë tonë të shtetit në standartet estetike europiane. Është një moment i rëndësishëm për të reflektuar mbi sa shumë gjëra kanë ndryshuar në policinë e shtetit.Duhet të vazhdojmë për të bërë akoma më shumë gjëra që mbeten për tu bërë”.
Gjithashtu në fjalimin e tijë Kryeminstri foli ne mënyrë indirekte dhe për përgjimet,ku sipas tijë pavarësisht xhelozirave dhe mllefeve nga një front i së keqes, ata do jenë më të motivuar ta çojn më tej reformën, dhe se qytetarët do jenë po aq të motivuar ta mbështesin policinë e shtetit.
Rama:“Kur bie kaq shumë në sy ngjall shumë xhelozira dhe mllefe, po përtej kësaj qëndron një front i së keqes që pëpiqet ti rezistojë me gjithë mjetet këtij transformi të Policisë së Shtetit që nënkupton shkëputjen përfundimtare të policisë së shtetit nga prehri i krimit, nga kthetrat e politikës që u mësua ta përdorte policinë duke e vënë në dispozicion të interesave të paligjshme dhe çka nënkupton se sa më shumë policia e shtetit do sulmohet nga ai fron aq më shumë ne do të jemi të motivuar të çojmë më tej reformën, transformimin dhe për më tepër ajo që është dhe më e rëndësishmja, aq më shumë qytetarët do të jenë të motivuar të mbështesin policinë e shtetit. Mjafton të merreni sot qytetarët dhe ti pyesni për ngjarjet e ditës dhe do të dëgjoni nga qytetarët se më kë janë”.
