Kryeministri Edi Rama vizitoi mbrëmjen e sotme dy fëmijë që kanë mbetur të plagosur nga termeti shkatërrimtar. Ata po marrin mjekim tek Spitali i Traumës dhe gjendja paraqitet e mirë.
Njëri prej tyre është Alesio Cakoni nga Thumana i cili është hedhur nga kati i 5-të natën e 26 nëntorit.
Teksa Rama bisedonte me të miturin, ndërhyn daja i cili thotë se Alesio u hodh nga kati i 5-të për ti shpëtuar vdekjes. “Pallati ku ai banonte është shkatërruar. Alesio është pa shtëpi, z. Kryeministër… kur të dalë nga spitali nuk ka ku të shkojë”, tha daja i 10-vjeçarit.
Rama u përgjigj: “Alesio mund të vijë tek shtëpia ime”. Sakaq premton se të gjithë do të strehohen deri në mes të dhjetorit.
Alesio është djali i familjes Cakoni dhe në këtë tragjedi ka humbur babain dhe motrën, ndërsa nëna është në spital.
Foto 1: Rama me Alesio Cakonin
Foto 2: Rama me Aurel Lalën
