Reagon Basha: “Unë si kryetar i opozitës kam marrë përgjegjësinë time për një reformë në drejtësi që nuk mbron, por lufton krimin dhe korrupsionin
Vetingu, është vija e kuqe e pakapërcyeshme për mazhorancën. Ky është qëndrimi i palëkundur i kryeministrit Rama i deklaruar pak çaste më parë në një konferencë të posaqme për mediat për reformën në drejtësi. Rama u shpreh disa herë se është i vendosur të shembë këtë system të korruptuar të drejtësisë. “Deri ditën kur PD të votojë reformën në drejtësi kjo e vetingut do të jetë vija e kuqe e pakapërcyeshme. O do bëjmë reformën në drejtësi dhe ta shembim këtë sistem nga themelet ose nuk do të votojmë asgjë të ngjashme që nuk garanton këtë qëllim të madh dhe që nuk garanton që në harkun e 10 viteve kur normalisht kemi ambicjen që Shqipëria të jetë anëtare BE”, tha Rama.
Menjëherë pas Ramës, reagoi kryetari i opozitës po ashtu i palëkundur në qëndrimin e tij. “Unë si kryetar i opozitës kam marrë përgjegjësinë time për një reformë në drejtësi që nuk mbron, por lufton krimin dhe korrupsionin. Unë, kryetari opozitës i denoncoj ditë për ditë këto afera me fakte. 45 minuta me figura bombastike. Madje i iku 10 herë nenit 88. Nuk e lexoj-tha-nuk e lexoj! Ia kam lexuar unë në takim. Po ia lexoj për herë të tretë. Rekomandimi 88 i opinionit final të Venecias, arbitër për Tiranën, Brukselin dhe Uashingtonin, ka një arbitër. “Nëse palët në procesin politik nuk pranojnë shumicën e cilësuar të kërkuar për anëtarët jo gjyqtarë të katër institucioneve, jo të dy, ata mund të zgjedhin një sistem proporcional që garanton përfaqësimin e opozitës në organet kolektive, ose çdo model tjetër të përshtatshëm që do të siguronte ndikimin e opozitës në procesin e përzgjedhjes”, tha Basha.
