Ka përfunduar pak çaste më parë mbledhja e kreut të Partisë Socialiste Edi Rama me drejtuesit politikë të PS-së në qarkun Shkodër.
Mësohet se kryeministri ka urdhëruar shkarkimin e të gjithë drejtorëve burra, dhe zëvendësimin e tyre me gra.
Lajmi është konfirmuar edhe nga kryetarja e re e Këshillit Bashkiak të Shkodrës, Briselda Kadia.
“I është komunikuar të japin dorëhqejen në mënyrë që të kemi një ristartim në këtë Bashki. Vendet vakante do të plotësohen nga persona që do të jenë brenda këtyre institucioneve, por do të ngremë një komision që do të përzgjedhë figurat e reja. Do të jenë gratë që do të përzgjidhen”, u shpreh Kadia në përfundim të mbledhjes.
