Nënkryetari i PD-së, Edi Paloka është shprehur se hipokrizia e Edi Ramës, duket se nuk njeh limite.
Paloka ka reaguar nëpërmjet një statusi në faqen e tij në FB, ku shkruan se në të njëjtën ditë që shkroi se u neverit dhe i vinte për të vjellë për çmimin Nobel që mori shkrimtari austriak Hande, i cili njihet edhe si përkrahës i Sllobodan Milosheviçit, ai shtrëngoi duart me ish-ministrin e propagandës së satrapit të Ballkanit.
“Jo thjesht hipokrizi, po poshtërsia e radhës! Rama deklarohet si i neveritur për çmimin Nobel ndaj Handke kur sapo ka shtrënguar duart me ish-ministrin dhe ish-zedhënësin e Millosheviçit në një marrëveshje antishqiptare…!”, shkruan Paloka.
Rama në të njëjtën ditë reagoi nga Nishi në krah të një prej ish-bashkëpunëtorëve më të ngushtë të Milosheviçit, Aleksandër Vuçic, kundër dhënies së çmimit Nobel për letërsinë një prej shkrimtarëve që kishte marrë pjesë edhe në varrimin e anti-shqiptarit më të madh.
“Kurrë nuk kisha menduar se do të bëhej për të vjellë për shkak të një çmimi Nobel, por paturpësia po bëhet pjesë normale e botës ku jetojmë. Pas zgjedhjes së turpshme të bërë nga një autoritet moral, siç është Akademia Nobel, turpi është vulosur si një vlerë e re. JO, ne nuk mund të bëhemi kaq të ftohtë ndaj racizmit dhe gjenocidit”, shkruante Rama në Twitter.
