Kryeministri Edi Rama do të takohet sot në mbrëmje me Albin Kurtin, kreun e Vetëvendosjes në Kosovë, forcë e cila fitoi dhe zgjedhjet në Kosovë.
Lajmi për takimin u bë i ditur një natë më parë nga vetë Rama i cili u shpreh se pret nga Kurti një ministër shteti pa portofol, që do ti dedikohet vetëm procesit të forcimit të marrëveshjeve mes Kosovës dhe Shqipërisë.
“Përsa i përket Albin Kurtit, unë nesër kam takimin me të. Mos gabohem unë në agjendë, takimi është nesër. Kështu që e mirëpres që të marrë detyrën dhe të vazhdojë punën. Unë kam thënë që do t’i propozoj Albin Kurtit, që për të forcuar procesin e ndjekjes së marrëveshjet që vendosen midis Kosovës dhe Shqipërisë një ministër shteti të dedikuar, i cili është një ministër shteti pa portofol, që do të dedikohet vetëm për këtë temë”, u shpreh një natë më parë Rama.
