Edhe pse studentët i kanë refuzuar negociatat, Rama tha sërish se ai është i gatshëm për t’i dëgjuar dhe për të dialoguar.
Por pasi ka folur gjatë mbi nevojën për bashkëpunim, kreu u qeverisë ka ashpërsuar tonin e zërit duke u iu thënë studentëve: “S’doni dialog, rrini atje”.
“Sa i përket protestuesve, kam një pyetje: Është politike apo nuk është politike, apo është e orkestruar në mënyrë të tillë që disa që i pash që kanë venë edhe maska që thonë ‘larg poltikës dhe janë telefoni i prishu i politikës. Dialogu nuk është akt martese me zor, është moment kur palët flasin, palët dëgjojnë dhe dëgjohen, unë nuk them hajde të dialogojmë pasi të ndaloni protestën, vazhdoni të protestoni.
Si mundet dot të jemi sot në fund të vitit 2018 në shekullin e 21, kemi bërë një rrugë të gjatë e të vështirë, si mund të jemi kundër dialogut mes studentëve dhe qeverisë dhe kryeministrit, pse ça është kjo, dyqan, magazinë?
Unë besoj se prindërit nëpër shtëpi më kuptojnë këtë që po them. Më duket se nuk e keni mësuar që në vitin 2013 kur erdha në qeveri kërkesa ulëritëse për autonomi ishin ulëritëse, ato tarifa u rritën si produkt i autonomisë. Jam dakord me ju sa i përket tarifave por duhet të ulemi të diskutojmë se nuk e zgjidhim problemin në themel.
Kushdo që e ka nisur apo nëse e ka nxitur që në fillim, me idenë që ta kthejë në revolucion të atyre pa popull është i lirë ta provojë,
Por duhet të kuptohet që qëllimet e përbashkëta nuk arrihen me forma dhe ultimatume, eksperienca demokratike njeh shumë raste kur protesta nuk dëgjohet, edhe rasti i fundit në Francë vonesat në reagim dhe mosgadishmëria për t’i dëgjuar ata që janë në rrugë çon në veprime të padëshiruara”, deklaroi kryeministri.
