Në stadiumin “Qemal Stafa” vijojnë punimet për shembjen e objekteve që do t’i hapin rrugë ndërtimit të Arenës Kombëtare,i cili është një ndër projektet më stategjike të qeverisë Rama për sportin.
Për të parë ecurinë e ndërhyrjes, por edhe për të sqaruar opinionin publik mbi projektin, Kryeministri Rama, ministria e Kulturës Kumbaro dhe kryebashkiku Veliaj kanë kryer një inspektim në stadiumin e kthyer tashmë në kantier ndërtimi. Duke e cilësuar si një ndër stadiumet më të bukur të Euopës, Z Rama nuk hezitoi t’i përgjigjet dhe skeptikëve për projektin
Rama: Një stadium nesër ndër më të bukurit e Evropës dhe një përgjigje e merituar për të gjithë ata që nuk dinë asgjë tjetër përveç se të ngrenë gishtin e akuzës nga kafenetë, ose nga kafja e madhe e pazarit të thashethemeve.
Arena Kombëtare do të ruajë pjesën ballore të stadiumit ekzistues, e cila është shpallur Monument Kulture.
Kumbaro: Përballë fasadës kemi pjesën e cila është konsideruar si monument kulture. Fasada jo vetëm do të ruhet, por do të jetë pjesa ballore dhe do të jetë edhe funksionale.
Tirana do të jetë përfituese e këtij projekti jo vetëm në aspektin sportive por dhe në shtimin e kapaciteteve për parkimet e automjeteve.
Veliaj: Ne kemi avancuar jashtëzakonisht në procesin e çmontimit. Besoj që brenda javës përfundon ky proces. Qyteti ka disa përfitime, përveç se ka një tempull të futbollit dhe vjen në momentin më të mirë.
Punimet në shembjen e objekteve kanë arritur në nivelin 70%. Stadiumi “Arena Kombëtare” është parashikuar të ketë një kapacitet prej 22.500 spektatorë, dhe punimet pritet të përfundojnë brenda 24 muajsh.
