Pas marrjes së dozës së dytë të vaksinës, kryeministri Edi Rama deklaroi se Shqipëria dhe Serbia janë dy vendet e vetme që kanë nisur procesin e vaksinimit.
Rama shtoi se situata e këtij procesi është kaotike në të gjithë Europën pasi vendet e mëdha kanë nisur kërcënimet për kompanitë.
“Mesa kemi mësuar imunizimi ka nevojë për të gjithë ciklin dhe ajo që është më e rëndësishme është që kemi hyrë në zbatimin e kontratës me Pfizer. Dje kanë ardhur dozat që kanë hapur rrugën. Nëse i shohim numrat ngushtë dhe nuk shohim të gjithë planin duken pak. Në rajon jemi i vetmi vend bashkë me Serbinë që ka hyrë në zbatimin e kontratës dhe ka filluar vaksinimin. Mos harrojmë që situata në Europë është kaotike. Vende të mëdha përfshirë dhe BE kanë filluar kërcënimin në rrugë gjyqësore të kompanive. Po dje në darkë vonë kemi marrë vaksinimin nga Pfizer se në mes të shkurtit mbërrijnë”, tha Rama.
