Më 18 maj nis hapja e lokaleve dhe restoranteve por kryeministri Rama bëri të qartë se nëse zinxhiri i infektimit fillon pikërisht prej tyre, do përballemi sërish me një rimbyllje.
“Masat lehtësuese do vazhdojnë, lehtësimi në Tiranë duket i pamundur edhe këtë javë ndërkohë që në pjesën tjetër do vazhdojmë. Kemi diskutuar mundësinë e hapjes së kopshteve dhe cerdheve më 1 qershor, publikë dhe jo publikë. Nëse numrat vazhdojnë të jenë stabël dhe kjo kohë duhet shfrytëzuar për të krijuar kushtet si për maturantët që më 18 maj do hynë nëpër klasa me rregulla të reja nga ato që kanë ekzistuar më parë.
Nga ana tjetër do vazhdojmë lehtësimin e qarkullimit jashtë zonave të kuqe, zgjatjen e orareve dhe dua tu përgjigjem atyre që ironizojnë fashat orare. Në fakt shtrirja e fashave orare, sidomos pas një ore të caktuar kur mbaron puna, ka shqetësimin që lidhet me nevojën për t’u grumbulluar.
Serbia ka bërë një hap të shpejtë edhe për shkak të një procesi zgjedhor që ka. Do e shohim si do shkojë situata atje.
Të gjitha lokalet do marrin masat që të jenë në rregull sepse lokalet, transporti dhe turizmi janë pika të nxehta, do monitorohen shumë afër dhe unë sdo doja t’i penalizonim. Nëse fillon një zinxhir infektimi nga lokalet, gjëja bëhet problematike”, u shpreh Rama.
