Gjatë takimit me biznesin, ku po konsultohet për buxhetin e vitit 2017, kryeministri Edi Rama foli dhe puset e ujit.
Ai fton qytetarët të shkojnë të provojnë të hapin një pus në Itali, nëse duan të shikojnë se sa e paligjshme është ajo që duan të bëjnë.
“Për sa i përket puseve, është krijuar një konfuzion, që ka një arsye themelore, moskuptimin. Njerëzit thonë ‘ç’të duhet ty me ujin që e nxjerr vetë’. Shko provo të nxjerrësh ujë vetë në Itali dhe na lajmëro nëse do dalë para uji nga vrima apo do ngrihesh ti zgupthi të japësh llogari. Ujin e kujt po merr, të gjyshit? Është pasuri kombëtare. Nuk mund të shposh ku do ti. S’do ketë pagesë për ata që s’kanë ujë në shtëpi. Do marrim masa për ofertat e papërgjegjshme, s’do jemi pre e ofertave që vijnë me papërgjegjshmëri me ulje 40%, nga kompani fantazmë”, tha Rama.
