Kreyministri i Shqipërisë Edi Rama ka përforëcuar vërtetësinë e zërave se Gramoz Ruçi do të jetë kryeparlamentari i ri.
“Gramoz Ruçi, kryetari i ri Parlamentit? Për mua 100 përqind po. Tani shpresoj që të mos më marrë në telefon e të më thotë pse s’më pyete mua”, u shpreh Rama gjatë një interviste në Top Story.
Kreu i Qeverisë gjithashtu ka deklaruar se pavarësisht sjelljes zhgënjyese të Metës në fushatë ai do të jetë në sallë më 24 korrik, datë kur presidenti betohet.
“Pavarësisht nga sjellja spektakolare zhgënjyese në fushatë, e Presidentit të zgjedhur, sidoqoftë, respekti për institucionin vjen i pari dhe sigurisht me shpresën që i pari që ta respektojë institucionin e presidencës, të jetë vetë Presidenti i zgjedhur. Pjesët e tjera pastaj janë folklor, pra është po, përgjigja është po, përgjigja është po, do të jemi aty në 24 korrik. Nuk e kam vënë ndonjëherë në pikëpyetje këtë temë”, u shpreh Rama.
