Kryeministri Edi Rama ka poztuar një video mëngjesin e sotëm në të cilën Kosova shihej në hartë si pjesë e Serbisë.
Video e Ramës ilustronte furnizimin 24 orë me ujë të të gjitha zonave të vendit, mirëpo duket se harta e përdorur ka qenë e vjetër, ndërsa neglizhenca nga ana e tij ka qenë mjaft e madhe.
Gafa ka bërë jehonë dhe në mediat kosovare, dhe pas të paktën 4 orësh, Rama është detyruar që të fshijë videon, dhe e ka zëvendësuar atë me një tjetër.
Më poshtë shihet dhe postimi i përditësuar në profilin e Ramës:
Një nga reagimet më të ashpra ka qënë ai i deputetit të LDK-së Arben Gashi i cili tha se Ramës nuk i falen gabime të tilla. “Nuk i falet edhe nëse është e paqëllimshme që kryeministri i Shqipërisë me bë asi gabime”, tha ai.
