Kryeministri u premton dëmshpërblim banorëve të përmbytur dhe atyre që dëmtohen nga ndërtimi i stadiumit
Kryeministri Rama është pritur me protesta në Shkodër, para se të hynte në një takim me kryetaren e bashkisë së këtij qyteti, Voltana Ademi. Banorët e zonës rreth stadiumit, i kishin zënë pritë kryeministrit para bashkisë dhe tentuan t’i afrohen duke i kërkuar dëmshpërblim për banesat e tyre që po prishen. Megjithse protestuesit janë ndalur nga policia në rrugën për t’iu afruar kryeministrit, ky i fundit ka komunikuar me ta duke iu premtuar se ata që preken nga ndërtimi i stadiumit, do të kompensohen për banesat e tyre me vlerën e tregut.
Edhe pas takimit që pati me kryebashkiaken Voltana Ademi në Bashkinë e Shkodrës, Rama u ndal me banorët protestues të cilëve iu tha se se ndërtimi i stadiumit është i pashmangshëm.
“Ka një standard për stadiumin, është investim i konsiderueshëm dhe çdo gjë që na kërkon UEFA duhet ta zbatojmë. Çdo shtëpi që do preket do kompensohet me vlerën e tregut. Kemi listën që na ka lënë qeveria Berisha, çdo gjë do dëmshpërblehet sipas ligjit”, tha Rama.
Në këtë protestë ishin edhe banorët e zonave të përmbytura për vtë cilët Rama tha se ka një listë të lënë nga qeveria Berisha, për të cilët është parashikuar dëmshpërblim për përmbytjet.
