“Parlamenti, është pornografia më ekstreme për ata nën 18 vjeç, duhet transmetuar me pullë të kuqe, një turp i pashoq.”
Kështu deklaroi Kryeministri Edi Rama në fjalën e tij në mbledhjen e fundit të Asamblesë së PS-së për vitin 2016.
Rama: “Mblidhen gjithë zuzarët dhe tellallët e të shkuarës dhe kërkojnë t’i thonë popullit që mjafton të shpëtojmë nga kjo qeveri dhe shpëtuam Shqipërinë. Keni dëgjuar ndonjë ide, përveçse sharje, akuza, fyerje, imoralitet gjuhësor i skajshëm, tragjedi edukative. Mjerë ata që ndjekin parlamentin, është pornografia më ekstreme për ata nën 18 vjeç, duhet transmetuar me pullë të kuqe, një turp i pashoq, një kriminalizim i përditshëm. Problemi është tek kriminalizmi shoqëror, tek futja deri në skutën më të errët të atyre që ndjekin një helm me pasoja katastrofike.
Kthimi i gënjeshtrës në argument, kthimi i baltës në vizion, ky është kriminalizimi ekstrem. Të keqen e dekriminalizimit për këtë maskaradë që zhvillohet përditë. Kjo e keqe ka një emër, dhe emrin e ka Sali Berisha, bashkë me çetën e tij. Një fuqi që kontaminon mjedisin dhe që nuk lë të dallohet e vërteta nga gënjeshtra, programin nga balta e megjithatë ne nuk i zgjedhim kundërshtarët, ata janë të zgjedhur.
Ajo që duhet të bëjmë, sepse e ka thënë populli po fjete me qenin do zgjohesh me pleshta, duhet t’i rezistojmë të keqes.”
