Gjatë takimit me të rinjtë e Partisë Socialiste në Shkodër, kryeministri Rama premtoi që shumë shpejt ndryshimi do të vijë edhe për Shkodrën, duke theksuar si një pengesë për realizimin e shumë projekteve kryetaren e Bashkisë, Voltana Ademi.
“Kemi dashur të bëjmë më shumë, por nuk kemi mundur. Po i vijmë rrotull Shkodrës, deri aty ku nuk na kap Voltana. Do i shërbejmë sa të mundemi, deri aty ku na del përpara Voltana”, u shpreh kryeministri Rama.
E ndërsa premtoni që së shpejti në Shkodër do të nisin projekte si ato të vijës bregdetare në Vlorë, ai bëri të ditur se brenda pak ditësh fillon rindërtimi i rrugës Velipojë-Shkodër.
“Shumë shpejt atë transformim që po bëjmë në vijat bregdetare si në Vlorë, do ta bëjmë edhe në Shkodër. Brenda pak ditësh fillojmë rindërtimin e rrugës Velipojë-Shkodër”, u shpreh ai.
Ndër të tjera kryeministri Rama tha se Voltana Ademi kishte tentuar që të bllokonte zhvillimin e takimit me të rinjtë socialistë në Shkodër, duke thënë se ajo ka ngritur një çadër për të bllokuar këtë takim, me justifikimin se sot është dita ndërkombëtare e familjes. Por, Rama tha se ata janë spostuar pak dhe e zhvilluan takimin.
