Skandal mund të konsiderohet vendimi i kryeministrit Edi Rama për të përdorur fëmijët e shkollave për të mbushur sallën në takimin elektoral që do të zhvillojë këtë të premte në Vlorë.
Mësohet se të gjitha shkollat do të braktisin mësimin dhe janë organizuar të jenë prezente për takimin e kryeministrit Edi Rama në këtë qark.
Faxëeb mëson se nxënësit e të gjitha shkollave të Vlorës, Orikumit dhe Novoselës janë vendosur në dispozicion të takimeve të Ramës në Vlorë.
Asnjë orë mësimore për ditën e sotme nuk do të zhvillohet, edhe pse takimi i Ramës me ta është parashikuar në orën 13:00, nxënësit janë mbledhur në Pallatin e Sportit që prej orës 09:30. Duke qenë se popullariteti i qeverisë është goditur rëndë nga skandalet e vazhdueshme që kanë përfshirë këtë të fundit, maxhoranca është e detyruar të shfrytëzojë çdo mundësi për të mbushur sallat.
