Edhe pse sezoni turistik në vend është shoqëruar me ngjarje të rënda siç ishte ajo e Himarës, por edhe me mungesën e turistëve ku vihet re se shezllonet në plazhe janë bosh, për kryeministrin Edi Rama, ky sezon turistik po shënon shifra hyrjesh të vizitorëve të huaj jashtë çdo parashikimi.
Në një postim në facebook, Rama shkruan se ditët e fundit në portin e Durrësit ka pasur prurje të jashtëzakonshme, ndërsa ka postuar edhe disa foto ku shihet fluksi i makinave dhe njerëzve që dalin nga tragetet.
“Mirëmëngjes! Dhe me prurjet e jashtëzakonshme të këtyre ditëve në Portin e Durrësit, në një sezon turistik që po shënon shifra hyrjesh të vizitorëve të huaj, jashtë çdo parashikimi, ju uroj një ditë të mbarë” – shkruan Rama në facebook.
