Rama: Kufiri është i mbyllur! Ja kush mund të shkojë në shtëpi

Kryeministri Edi Rama nëpërmjet një postimi në rrjetet sociale e ka thënë qartë ditën e sotme se kufiri është i mbyllur e askush nuk hyn e del dot.
“Le te hidhen përpjetë ata që nuk duan të kuptojnë, bashkë me nxitësit apo simpatizantët e tyre, që nuk duan që Shqipëria ta fitojë këtë luftë, po kufiri nuk hapet për asnjë që vjen në pikën kufitare me teorinë e Faktit të Kryer.
Kush ka arsye jetike, të verifikuar nga konsullata më e afërt dhe nuk rri dot pa lëvizur drejt kufirit tokësor, do mund të shkojë në shtëpi pasi të karantinohet 14 ditë në një dhomë brenda një hoteli pranë kufirit, me shpenzimet e veta”, u shpreh Rama.