Këshilli i Ministrave vendosi të shpallë zonë të lirë ekobomike sipërfaqen prej 199 mijë hektarësh
Hapet sërish tenderi për parkun industrial në Durrës. Këshilli i Ministrave miratoi sot në mbledhjen e qeverisë, vendimin për të shpallur Spitallën zonë të lirë ekonomike. Bëhet fjalë për një sipërfaqe prej rreth 199 mijë hektarësh. Sipas vendimit të Këshillit të Ministrave, tri janë llojet e veprimtarive që do të zhvillohen në këtë zonë janë: a) prodhuese, industriale dhe agropërpunim; b) tregtare dhe magazinim mallrash; c) shërbime. Periudha e shfrytëzimit është 99 vite dhe qiraja e tokës është me çmimin simbolik prej 1 eurosh.
Qeveria ka publikuar edhe kriteret e kompanive që duhet të konkurojnë: Të gjithë investitorët duhet të plotësojnë pesë kritere për përfitimin e tenderit, që janë si më poshtë. a) propozimi i projektit teknik; b) ndikimi mjedisor; c) ndikimi social; ç) kohëzgjatja e punimeve; d) kapaciteti financiar i kompanisë dhe mundësia e financimit të projektit.
Pak muaj më parë, një kompani kineze hyri në negociata me qeverinë për të përfituar nga zona e lirë ekonomike në Spitallë. Por opozita akuzoi kryeministrin se pas kësaj kompanie ishin familjarët e tij. Kompania kineze u tërhoq ndërsa qeveria e ka kthyer sërish garën për Spitallën.
