Menjëherë pasi të përfundojë rikonstruksioni i rrugës “Tiranë-Durrës”, ky aks do të jetë i aksesueshëm nga qytetarët vetëm kundrejt pagesës.
Ndërsa minstri Gjiknuri refuzoi të përgjigjej mbi këtë pyetje, vetë kreu i qeverisë ka pohuar sot nga Durrësi që në këtë rrugë nuk do të kalohet pa tarifë.
“Rruga Tirana-Durrës nuk është një rrugë që thjesht meriton mirëmbajtje. Është një rrugë që ka domosdoshmërinë e rindërtimit dhe zgjerimi. Për këtë po bëjmë një studim që përfundon rreth mesit të korrikut. Duam të vlerësojmë rindërtimin dhe zgjerimin për të rritur shpejtësinë e kontaktit mes Durrësit e Tiranës dhe sigurinë e lëvizjes në aksin ekzistues me pagesë.”,tha Rama.
