Kryeministri Edi Rama ka reaguar ndaj deklaratave të Presidencës. Në një reagim në rrjetin social Facebook, Rama thotë se shpreh keqardhjen për ato çfarë artikuloi Presidenti përmes zëdhënëses së Presidencës, duke provuar edhe njëherë sipas tij, se Kreu i Shtetit nuk mund të jetë i paanshëm.
“Z.President ju meritoni gjithë keqardhjen time për sa sapo thatë! Prapë provuat që nuk jeni dot i paanshëm! Unë jam gati për dialog. Pa kushte”.
Në deklaratën për mediat, institucioni i Presidentit të Republikës shprehu keqardhjen për adresimet e sotme me sfond politik të Kryeministrit ndaj angazhimeve dhe përmbushjes së funksioneve kushtetuese të Presidentit të vendit.
