Kryeministri Edi Rama ka komentuar raportin e progresit të Komisionit Europian. Në një konferencë të përbashkët me ambasadoriN e Bashkimit Europian në Tiranë, Rama tha se KE theksoi edhe njëherë se Shqipëria i ka përmbushur të gjitha kushtet për çeljen e negociatave.
“Raporti që marrim sot është një tjetër në një vazhdë të disa të tjerëve tani më. Ku komisioni e rikonfirmon bindjen e vet se Shqipëria i ka përmbushur të gjitha kushtet për të nisur edhe formalisht atë që është vendosur më parë në Këshillin Europian dhe për të marrë me BE diskutimin e anëtarësimit.
Dua të theksoj diçka që e kam theksuar në forume të nivelit më të lartë se ne gjejmë te KE një partner të drejtë, të paanshëm, rigoroz që e vlerëson progresin duke u bazuar në hulumtimin fakteve në terren. Për këtë arsye do ta përsëris edhe sot nuk gjendet në asnjë kryeqytet një strukturë e ngjashme,” tha Rama.
