Nga një takim elektoral në Himarë, Kryeministri Edi Rama i është përgjigjur letrës së bërë dje nga presidenti Ilir Meta, ku i kërkonte të reflektonte.
Rama i është përgjigjur Metës, duke thënë se ai ka disa ditë që nuk fle gjumë dhe ha paçe me Fahri Balliun.
“Ai nuk është se u zgjua në 5 të mëngjesit dhe më priste mua në takim, ai nuk ka fjetur fare, ai ha pace me Fahri Balliun, kafen turke mere kokërr këto ditë, deri të dielën, 30 Qershori është aty dhe është i popullit, jo i partive. S’ka këtu ta kthejnë popullin përmbys”,- shtoi Rama.
Ndërkohë që presidenti i është përgjigjur me një tjetër video provokuese të zgjedhjeve në kohën e komunizmit. Meta e quan këtë fundjavë në të cilën po hyjmë interesante, dhe fton qytetarët që të shmangin përplasjet mes tyre.
