Kryeministri Edi Rama deklaroi se gjobat nuk janë për të mbushur buxhetin por për të dhënë një mesazh.
Sa iu përket masave, Rama tha në një lidhje “live” në Facebook, se populli nuk merr gjoba, marrin të papërgjegjshmit.
“Gjobat nuk janë për të mbushur buxhetin. Janë pak fare në raport me popullin. Por janë për të dhënë një mesazh që jetohet me rregulla dhe rregullat janë njësoj për të gjithë”, deklaroi Rama.
Sa iu përket pagës së luftës, Rama tha se nuk është refuzuar asnjë që ka të drejtë por se paketa e parë ka qenë për një kategori të caktuar.
“Do të merrni 400 mijë lekë me paketën e zgjeruar. Nuk kemi refuzuar asnjë që ka të drejtë të marrë pagën nga paketa e parë. Refuzimet janë për ata që nuk janë në atë kategori. Nuk është refuzim i nevojës, përjashtim nga ndihma por refuzim për shkak të dritares së gabuar. Është thënë e stërthënë cilat janë bizneset që do të marrin nga paketa e parë. Nga paketa e parë sot, para se të vija këtu, shifra e përfituesve është 30 mijë e diçka. Kemi dhe 40 mijë të tjera për të dhëna. Pse vonohen? Sepse bëhen verifikime në terren”, deklaroi Rama.
https://www.facebook.com/edirama.al/videos/539950563330857
