Meta: Ne jemi në solidaritet të plotë me Belgjikën dhe me të gjithë qytetarët e Brukselit
Kryeministri i Shqipërisë, Edi Rama, dënon sulmet terroriste në Bruksel. Përmes një mesazhi në facebook, Rama shprehet se “Bombat që mbjellin vdekje për të pafajshmit në zemrën e Europës do ta ringrenë Europën për ta fituar në emër të lirisë këtë luftë të re!”, shkruan rama në facebook.
Për sulmet terroriste në Bruksel kanë reaguar edhe autoritete të tjera të politikës shqiptare si kryetari I Kuvendit Ilir Meta .
“Ne jemi në solidaritet të plotë me Belgjikën dhe me të gjithë qytetarët e Brukselit. Terrorizmi nuk ka vend në Evropë. Shqipëria është përkrah partnerëve tanë euro-atlantikë për të ç’rrënjosur celulat terroriste. Sulmi ndaj Brukselit, është sulm ndaj gjithë Evropës dhe njerëzimit. Ngushëllime familjeve të viktimave dhe shërim të shpejtë të plagosurve. Ne jemi të vendosur së bashku të mbrojmë vlerat demokratike që na bashkojnë”, tha Meta.
