Nënkryetari i PD Edi Paloka ka reaguar pas urdhërndalimeve të njoftuara nga policia në Durrës, pas tërmetit shkatërrimtar të 26 nëntorit.
Përmes një postimi në Facebook, Paloka shprehet se në listën e të arrestuarëve emri i ish kryebashkiakut Dako nuk del gjëkundi, duke shtuar se në Durrës e di edhe qytetari më i fundit se ai është përgjegjësi kryesor.
Statusi i plotë
Rama e nxorri Gjushin prapë “akullore”…!!!
Sipas drejtuesve të policisë dhe prokurorisë në Durrës ; pas “një punë intensive, dy javore” u gjendën dhe “fajtorët” e katastrofës. Plot 17 urdhër ndalime…
“Fajtorët” rezultokan disa inspektorë lagjesh, ndonjë “ndertues informal” e me siguri do dalin dhe bojaxhinjtë e pallateve!
Gjushit nuk i del emri kurrëkund!!!
Në Durrës e di dhe qytetari më i fundit se Vangjush Dako është kryepërgjegjës për këtë situatë, jo vetëm se ka mbi dhjetë vjet që drejton si kryetar bashkie, por edhe sepse privatisht ka qënë i implikuar direkt, me firmën e tij “3D” , në ndërtimin e shumicës së pallateve të dëmtuara. Këtë fakt e kanë denoncuar dhe këto ditë me dhjetra qytetarë durrsak. Gjushi jepte lejet, Gjushi supervizonte, Gjushi jepte betonin e firmës së tij, Gjushi edhe ndërtonte me firmën e tij !
Po pse atëherë emri i Gjushit nuk del në listën e polico-prokurorisë së Durrësit?!
Shumë e thjeshtë dhe e qartë për këdo; Gjushi ka mbrojtjen direkte të Ramës i cili gjatë gjithë kësaj kohe po kujdeset personalisht që mos preken përgjegjësit e vërtetë, po si në gjithë rastet e tjera, të mbyllen skandalet me ca “koka turku” nga rradhët e ushtarëve.
Rama po kërkon ta nxjerrë dhe një herë Gjushin “akullore” dhe kjo bën sens. Gjushin deri dje në Durrës e quanin “Bankomati i Ramës” ! Në fakt tanimë është me prova se Gjushi e ka PAGUAR ( me kuptimin më të parë të fjalës) imunitetin e tij, prandaj në vend që të ishte në qeli, është rikthyer me urdhër të Ramës në zyrën e bashkisë për të rregulluar “ATO LETRAT”.
